(619)                              SOUS LE RÈGNE DE CHARLES VI.                                 .'571)
dit maistre Nicolas de l'Espoisse, icellui maistre Nicolas volt, ordonna, veult et ordonne tout icellui résidu, son dit testament et present codi­cille et chascun d'iceulx premierement et avant toute euvrepaiez, enté­rinez et acompliz en tous leurs poins et articles, estre et par ce present codicille le mist et met du tout à la disposicion el ordonnance de ses diz executeurs, pour icellui résidu donner, aumosner et distribuer pour Dieu à povres filles à marier, povres eglises, hospitaux, povres orfetins et en autres oeuvres méritoires et charitables, ou autrement, tout ainsi qu'il leur plaira et que en leurs consciences ilz verront estre à faire et bien emploié pour le salut et remede de l'ame du dit maistre Nicolas, deses feux pere, mere, parens, amis, bieniaicteurs et de tous trespassez, et de ce le dit maistre Nicolas charga et charge du tout par ces presentes ses diz executeurs et chascun d'eulx.
Et pour toutes les choses dessus dictes et chascune d'icelles paier, entériner et acomplir de point en point le dit maistre Nicolas de l'Es­poisse fist, nomma, esleut et ordonna ses executeurs et feaulx commis­saires ceulx par lui faiz et nommez en son dit testament, c'est assavoir, maistres Jehan l'Abbat, Jehan Oueniat, advocas en la dicte court de Parlement, maistre Jaques Phelippe et le dit Guibert le Normant, aus-quelx ensemble et aux trois d'iceulx pour le tout il donna et octroya, donne et octroyé plain povoir, auctorité et mandement especial de paier, entériner et acomplir, et mettre à fin et execucion deue ce present codicille, les choses dedens contenues et chascune d'icelles selon leur l'orme et teneur, et de faire en oultre tout ce que au cas appartendra et que bons et loyaux executeurs pevent et doivent faire, en leur transportant et délaissant tous ses biens meubles, debtes el posses­sions immeubles, la saisine et possession d'iceulx, pour les prendre et appréhender de fait, tantost et incontinent lui aié de vie à trespasse-ment, sans aucun contredit ou empeschement, pour les mettre, con­vertir et emploier ou fait de son execucion jusques à plain paiement et acomplissement de ses diz lestanient et codicille, et les distribuer selon la forme et teneur d'iceulx; lesquelx testament et codicille el ordon­nance de derreniere volenté ou autrement, par la meilleur forme et
4S.